Naturbruk

Vg1 Dyrefag er designa for deg som har ambisjonar om å arbeide med hund, katt, selskapsdyr, zoodyr eller dyr i nytte og teneste. Utdanninga gir deg breie kunnskapar og ferdigheiter som kvalifiserer deg til å arbeide innan dyreklinikk, dyrebutikk, dyrehage, hundeskule, tenestehund, forsøksdyravdeling eller andre verksemder i dyrefaget.

Etter Vg1 Dyrefag kan du velje mellom to spesialiseringar i programfag:

• Vg2 Hundefag
• Vg2 Dyrehelse

Etter Vg2 kan du velje to løp.

• Fagbrev: To år i lære i ei verksemd i dyrefaget der du går opp til fagprøva og får fagbrev.
• Studieførebuande: Ta Vg3 Påbygg og søkje høgare utdanning innan veterinærmedisin, dyrepleie, biologi, zoologi, etologi, forvaltning eller anna.

Kva lærer eg?

På Stend får du arbeide med ei rekke dyreslag. I den største smådyravdelinga i Norge lærer du handtering, fôring og stell av selskapsdyr; som gnagarar, kanin, papegøyefuglar, finkar, akvariefisk og reptil. På hundeavdelinga, som også er størst i Norge, lærer du om hundar og hundefag. Som eksempel kan nemnast trening av hund, språk og åtferd, utstyr, tryggleik og handtering. Eit gjennomgåande fokus i utdanninga er respekt for dyra sitt eigenverd, og korleis du kan vurdere om dyret også har glede av aktivitetar og interaksjonar.

Målet med studiet er at du utviklar kompetanse for yrkesarbeid med dyr. Du lærer praktisk handtering, stell, omsorg og pleie av dyr. Dyrevelferd og dyrehelse er sentrale tema i studiet, der du både lærer kva helse og velferd faktisk er og korleis du kan fremje det hos dyr. Det er også nyttig å vite at som dyrefaglært arbeider du tett med ulike kundegrupper, og ikke sjeldan arbeidar du meir med folk enn direkte med dyr.

Sentrale oppgåver er å:

• utøve fagleg forsvarleg og omsorgsfullt stell og pleie av dyr
• arbeide med helsefremmande og førebyggjande tiltak for fysisk og mental velferd for dyr
• levere kvalitetssikra opplevingar, tenester og produkt til oppdragsgivar og kunder
• yte kundeservice gjennom kommunikasjon, rettleiing og instruksjon
• drifte og vedlikehalde til dømes dyreklinikkar, dyrebutikkar, hundeverksemder eller dyreparker
• tilegne deg ny kunnskap og ny teknologi i arbeid knytta til dyr
• ta hand om god hygiene og gode smittervernsrutinar
• journalføring, dokumentasjon og rapportering

Studiet har gjennomgåande vitenskapelige metoder som grunnlag.

Last ned komplett fagplan (PDF)

Korleis er ei vanleg veke?

To dager i veka har du programfag i avdelingane og litt i klasserom. Du er då innom alle avdelingane: smådyr, hundeavdelinga, stall og ridehall, fjøs, inn på tunet, gartneriet og gardsbutikken. Her får du innføring i dyreslaga, jobbar med å halde ved like anlegget og utviklar artskunnskap. Du lærer å stelle og handtere dyr på ein sikker måte og å ta vare på velferda og helsa til dyra. Du lærer å trene hund, får ei grunnleggjande forståing for samspelet dyr-menneske og lærer deg å tolke åtferd og språk. I øvingane er du i ei lita gruppe på om lag 8-10 elevar.

Ein dag i veka har du fordjuping i dyrefaget (YFF), for eksempel i smådyr, spesialsøk med hund, dyrehelse, fjøs eller stall. Dette er kjekke dagar der du er i ei lita gruppe og du får fullt fokus på å bli skikkeleg god i eitt fagområde.  

Dei to andre dagane har du fellesfag.

Kvar får eg jobb?

Som dyrefaglært jobbar du i ulike typar verksemder som tilbyr opplevingar, tenester og produkt knytta til dyr. Det kan være formidling og rettleiing, sal av produkt eller omsorg- og helsetilbod. Du kan for eksempel bli:

• assistent på dyreklinikk
• medarbeidar i dyrebutikk
• førar av tenestehund
• instruktør på hundeskule
• dyrepassar i dyrepark
• medarbeidar i forsking på dyr

Samfunnet vil i tida framover ha stort behov for deg som ønskjer å arbeide innan dyrefag og du vil bli ein attraktiv arbeidssøkjar.

Korleis søkjer eg?

Bli ein del av dyreteamet, du òg!

Hestefag er retta mot deg som har ambisjonar om å spesialisere deg til fagarbeidar innan tilrettelegging av mange ulike aktivitetar med hest. Studiet siktar særskilt mot hestefagyrker som leverer tenester og produkt til hestehald, aktivitetstilbod for fritid, helse og omsorg, friluftsliv, turisme og pedagogisk arbeid med hest. 

Etter Vg1 og Vg2 kan du velje to løp

• Fagbrev: To år i lære i ei verksemd i hestefaget der du går opp til fagprøva og får fagbrev
• Studieførebuande: Ta Vg3 Påbygg og deretter søke høgare utdanning innan veterinærmedisin, biologi, zoologi, etologi, forvaltning, forsking eller anna.

Kva lærer eg?

På Vg1 og Vg2 får du grunnleggjande kompetanse i hestefaget og lærer om sikker handtering, stell, fôring, helse, dyrevelferd, sjukdom, hygiene, smittevern og rutinar. Du kan bruke kunnskapen din til ei rekkje yrker med hest!

Du vil lære å bruke hesten i køyring, riding og andre aktivitetar og i dette inngår valg, bruk, tilpassing og vedlikehald av utstyr. Du og medelevane vil ta del i kunderetta aktivitetar på skolen, som show, oppvisningar, stevner, barneriding mm. Slik får du øve deg på å tilretteleggje for gode møter mellom dyr og menneske. Gjennom drift av aktivitetar og stall lærer du om økonomistyring, kvalitetssikring, utvikling og etablering av næring med hest. 

På Vg2 går du djupare inn i faget for å få grunnlag til å arbeide profesjonelt:

Eit gjennomgåande fokus er respekt for hesten sin eigenverdi, og korleis du kan vurdere om hesten også har glede av aktivitetar og interaksjonar. 

Hesteanlegget

Stend har to stallar med plass til omlag 40 hestar. På Vg1 og Vg2 inngår du i ein turnus for å drifte stallen. Ved stallen er det opparbeidd ein stor køyre- og ridebane (40x80m), samt ein mindre bane. På hesteanlegget finn du også ein moderne ridehall med internasjonale mål (20x60m).

Du er med på å halde ved like, byggje og berike hestemiljøet, du har dagleg interaksjon med hestane og lærer om kvart individ sine særskilte behov.

Korleis er ei vanleg veke?

To heile dagar i veka har du programfag på hesteanlegget. Det meste av opplæringa skjer i praktiske øvingar i små grupper her ved skulen, men noko opplæring skjer utanfor skulen i samarbeid med andre aktørar i hestenæringa.

Ein dag i veka har du YFF. Her kan du sjølv velje mellom ulike praktiske fordjupningsfag i hest, som salmaking, rideskule, juleshow, utplassering i hestenæring og anna. Du kan også velje realfag for spesiell studiekompetanse.

Dei to andre dagane har du fellesfag.

Kvar får eg jobb?

Utdanninga gir deg breie kunnskapar og ferdigheiter som kvalifiserer deg til å arbeide innan travnæring, rideverksemd, galoppnæring, hesteturisme og fritidsaktivitetar, stutteri og andre yrke som krev særskilt kompetanse på hest.

Du kan òg vidareutdanne deg til å bli dyrepleiar, veterinær, zoolog, biolog, etolog, forskar eller innan annan tverrfagleg kompetanse.

Korleis søkjer eg?

For å søkje på Vg1 Hestefag på Stend vel du "Vg1 Naturbruk med heste- og dyrefag" på Vigo. Du får i ettertid eit spørjeskjema frå skulen om kva slags fordjupning i programfag du ønskjer. Då svarer du Vg1 Hestefag.

For å søkje på Vg2 Hestefag på Stend vel du "Vg2 Heste- og dyrefag" på Vigo. Du får i ettertid eit spørjeskjema frå skulen om kva slags fordjupning i programfag du ønskjer. Då svarer du Vg2 Hestefag.

Kva trengs av meg?

For å bli god i hestefag må du ønskje å jobbe med både hest og menneska deira. Yrker i hestefag krev mykje av deg når det kjem til kommunikasjon med kundar og oppdragsgjevarar. Du må like å arbeide utanfor vanlege arbeidstider, tole litt skit, ha eit godt blikk og evne til observasjon. Du bør vere omsorgsfull, audmjuk og god til å samhandle. Alt dette kan du trene på i lag med medelevar og lærarar på Stend Hestefag!

Bli ein del av hesteteamet, du òg!

Vg1 og Vg2 Anleggsgartnar er designa for deg som har ambisjonar om å vere med å byggje og forme flotte uterom. Du formar parkar og installasjonar, driftar grøntanlegg, utformar terreng, held ved like planter og tre og legg til rette for aktiv bruk og bevaring av natur, kultur og friluftsareal. Utdanninga gir deg breie kunnskapar og ferdigheiter som kvalifiserer deg til å arbeide innan verksemder i anleggsgartnarfaget.

​

Etter Vg1 Anleggsgartnar på naturbruk kan du gå vidare til Vg2 Anleggsgartnar på Bygg- og anleggsteknikk.

Etter Vg2 kan du velje to løp.

• Fagbrev: To år i lære i ei verksemd i anleggsgartnarfaget der du går opp til fagprøva og får fagbrev.
• Studieførebuande: Ta Vg3 Påbygg og søkje høgare utdanning for å bli til dømes ingenør, arkitekt eller byplanleggar.

Kva lærer eg?

På Stend får du bruke små maskinar og byggje varige utemiljø på skulen sin varierte eigedom. Du arbeider òg inne i den nye anleggsgartnarhallen, lærer å lage murar og legge heller og belegningsstein. Du held parkar og grøntanlegg ved like og set spor etter deg ved å byggje installasjonar for aktivitetar på skulen.

Den historiske renessansehagen på Stend vart rekonstruert og drifta av anleggsgartnarar på Stend, i samarbeid med anleggsgartnarverksemder

Eit gjennomgåande fokus i utdanninga er respekt for godt handverksmessig arbeid, estetikk, kvalitet og at anlegga er tilpassa og funksjonelle.

Sentrale oppgåver er å:

• planlegge og byggje uteanlegg
• drifte og vedlikehalde uteanlegg
• legge til rette for leik, fritid og idrett
• velje rett utstyr, materiale, maskinar og redskaper
• ta val ut frå miljø, vegetasjon og terreng
• etablere veksestad og tilretteleggje vekstvilkår
• sikre at anlegg er universelt utforma
• yte kundeservice
• levere kvalitetssikra opplevingar, tenester og produkt til oppdragsgivar og kundar
• velje løysingar som er levedyktige, kostnadseffektive og som sparar miljøet

Korleis er ei vanleg veke?

Tre dager i veka har du programfag der du arbeider praktisk på skulen eller i nærområda til skulen. I øvingane er du i ei lita gruppe på 8-10 elevar. I tillegg får du utplassering i ei anleggsgartnarverksemd i fleire samanhengande veker gjennom året. Utplasseringa gir god førebuing til læretida.

Dei to andre dagane har du fellesfag.

Kvar får eg jobb?

Å være anleggsgartnar er eit urbant fag. Omlag kvar einaste kvadratmeter i ein by er bygd av ein anleggsgartnar. Det er anleggsgartnarane som byggjer vegane, møteplassene, parkane, trappene, bybanestoppa og det meste som omgir oss i byen. Faget er i vekst, og det trengst flinke fagfolk hos anleggsgartnarmeistarane og hos dei som bestiller tenesta deira. 

Du kan få jobb innan offentleg sektor og i private verksemder. Arbeidsplassen kan vere alt frå torg, parkar og leikeplasser, til større grøntanlegg ved private eller offentlige bygningar. Også industriområde, bygg- og anleggsnæringa, idrettsanlegg og kyrkjegardar kan vere aktuelle arbeidsplassar. I tillegg kjem tilrettelagde rekreasjonsområde i naturen.

Om du vel anleggsgartnerutdanninga på Stend og dermed kvalifiserer deg, er du sikra læreplass. Dette har bransjen forplikta seg til ved å signere ein samfunnskontrakt med Stend VGS. Etter to år på skulen vil du få læreplass hos ei anleggsgartnerverksemd og gå i lære i to år. Når du består fagprøva vil du vere ferdig utdanna fagarbeider i eit yrke med stor etterspurnad etter fagfolk.

Korleis søkjer eg?

For å søkje på Vg1 Anleggsgartnar på Stend vel du "Vg1 Naturbruk med anleggsgartner" på Vigo. 

For å søkje på Vg2 Anleggsgartnar på Stend vel du "Vg2 Anleggsgartner" på Bygg- og anleggsteknikk på Vigo. 

Kva trengs av meg?

Når du vel anleggsgartnaryrket må du like å arbeide ute i skiftande ver og årstider. Du må ha estetisk sans og være kreativ, kunne sjå for deg korleis terrenget kan utnyttast og ha interesse for planter, jordkultur, stein- og treprodukt, utstyr og maskinar. Alt dette kan du trene på i lag med medelevar og lærarar på Stend!

Vg2 Dyrehelse er designa for deg som har ambisjonar om å spesialisere deg til assistent i veterinærklinikk, zoohandel eller liknande. Studiet siktar særskilt mot yrke som leverer tenester og produkt for stell, omsorg og pleie av dyr. Utdanninga gir deg breie kunnskapar og ferdigheiter som kvalifiserer deg til å arbeide innan dyreklinikkar, dyrebutikkar og dyreparkar og andre yrke som krev særskilt kompetanse for å ta vare på ulike dyreartar.

Etter Vg2 kan du velgje to løp

• Fagbrev: To år i lære i ei verksemd i dyrefaget der du går opp til fagprøva og får fagbrev
• Studieførebuande: Ta Vg3 Påbygg og deretter søke høgare utdanning innan veterinærmedisin, dyrepleie, biologi, zoologi, etologi, forvaltning, forsking eller anna.

Kva lærer eg?

På Vg2 Dyrehelse får du grunnleggjande kompetanse i dyrefaget og lærer artskunnskap, helse, velferd, sjukdom, hygiene, smittevern og rutinar. Du kan bruke kunnskapen din på ei rekkje dyreartar!

Klassen startar ei ungdomsbedrift som tilbyr tenester eller produkt til vanlege folk, gjennom til dømes å invitere eldresenter til smådyravdelinga, ha open dag der barnehagebarn får lære om dyra på Stend, arrangere barnebursdag eller anna. Slik får du øve deg på å tilretteleggje for gode møter mellom dyr og menneske. For å få grunnlag til å være profesjonell i ungdomsbedrifta får du opplæring og øving i:

Eit gjennomgåande fokus er respekt for dyra sin eigenverdi, og korleis du kan vurdere om dyra også har glede av aktivitetar og interaksjonar. Studiet har gjennomgåande vitenskapelige metoder som grunnlag.

Last ned komplett fagplan (PDF)

Smådyravdelinga

Smådyravdelinga er den største i Norge. Vi har alle artar som er vanlege i zoohandel, frå gnagarar og kaniner, papegøyer og andre eksotiske fuglar, til akvariefisk og reptil. Vi har også særskilt utstyr og kompetanse til å lære deg om forebyggande helsearbeid, førstehjelp, sjukdomslære, anatomi mm.

Smådyravdelinga har store, flotte flygebur til fuglane, spanande og miljøberika innhegningar til gnagarar og kaniner, flotte akvarier og naturlege terrariar til reptila. Du er med å halde ved like, byggje og berike dyremiljø, har dagleg interaksjon med dyra og lærer mykje om kvar art sine særskilte behov.

Korleis er ei vanleg veke?

To heile dagar i veka har du programfag i smådyravdelinga. Frå omlag oktober til april driv du ungdomsbedrift i skuletida. For å få kundane til å komme til smådyravdelinga marknadsfører du og klassen det de kan tilby på avdelinga.

Ein dag i veka har du utplassering i ei aktuell verksemd. Vi ynskjer å tilby deg ei fordjupning som fører deg i den yrkesretninga du ser for deg. Vi har eit stort nettverk og mange utplasseringsplassar i dyreklinikk og dyrebutikk. Nokre elever ynskjer å ha utplasseringa si andre stader, som dyrepark eller rehabilitering.

Dei to andre dagane har du fellesfag.

Kvar får eg jobb?

Som dyrefaglært jobbar du i ulike typar dyreverksemder med helse- og omsorgstilbod, formidling og rettleiing, sal av produkt til dyr eller opplevingar med dyr. Du kan til dømes bli:

• assistent på dyreklinikk eller i andre helsetilbod
• medarbeidar i dyrebutikk
• dyrepassar i dyrepark
• medarbeidar i forsking på dyr

Du kan òg vidareutdanne deg til å bli dyrepleiar, veterinær, zoolog, biolog, etolog, forskar eller innan annan tverrfagleg kompetanse.

Korleis søkjer eg?

Kva trengs av meg?

For å bli god i dyrefag må du ønskje å jobbe med både dyr og menneske. Yrker i dyrefag krev mykje av deg når det kjem til kommunikasjon med kundar og oppdragsgjevarar. Du må like å arbeide i skiftande miljø med høgt tempo, tole litt skit, ha eit godt blikk og evne til observasjon. Du bør vere omsorgsfull, audmjuk og god til å samhandle. Alt dette kan du trene på i lag med medelevar og lærarar på Stend Dyrehelse!

Bli ein del av dyreteamet, du òg!

Hestefag er retta mot deg som har ambisjonar om å spesialisere deg til fagarbeidar innan tilrettelegging av mange ulike aktivitetar med hest. Studiet siktar særskilt mot hestefagyrker som leverer tenester og produkt til hestehald, aktivitetstilbod for fritid, helse og omsorg, friluftsliv, turisme og pedagogisk arbeid med hest. 

Etter Vg1 og Vg2 kan du velje to løp

• Fagbrev: To år i lære i ei verksemd i hestefaget der du går opp til fagprøva og får fagbrev
• Studieførebuande: Ta Vg3 Påbygg og deretter søke høgare utdanning innan veterinærmedisin, biologi, zoologi, etologi, forvaltning, forsking eller anna.

Kva lærer eg?

På Vg1 og Vg2 får du grunnleggjande kompetanse i hestefaget og lærer om sikker handtering, stell, fôring, helse, dyrevelferd, sjukdom, hygiene, smittevern og rutinar. Du kan bruke kunnskapen din til ei rekkje yrker med hest!

Du vil lære å bruke hesten i køyring, riding og andre aktivitetar og i dette inngår valg, bruk, tilpassing og vedlikehald av utstyr. Du og medelevane vil ta del i kunderetta aktivitetar på skolen, som show, oppvisningar, stevner, barneriding mm. Slik får du øve deg på å tilretteleggje for gode møter mellom dyr og menneske. Gjennom drift av aktivitetar og stall lærer du om økonomistyring, kvalitetssikring, utvikling og etablering av næring med hest. 

På Vg2 går du djupare inn i faget for å få grunnlag til å arbeide profesjonelt:

Eit gjennomgåande fokus er respekt for hesten sin eigenverdi, og korleis du kan vurdere om hesten også har glede av aktivitetar og interaksjonar. 

Hesteanlegget

Stend har to stallar med plass til omlag 40 hestar. På Vg1 og Vg2 inngår du i ein turnus for å drifte stallen. Ved stallen er det opparbeidd ein stor køyre- og ridebane (40x80m), samt ein mindre bane. På hesteanlegget finn du også ein moderne ridehall med internasjonale mål (20x60m).

Du er med på å halde ved like, byggje og berike hestemiljøet, du har dagleg interaksjon med hestane og lærer om kvart individ sine særskilte behov.

Korleis er ei vanleg veke?

To heile dagar i veka har du programfag på hesteanlegget. Det meste av opplæringa skjer i praktiske øvingar i små grupper her ved skulen, men noko opplæring skjer utanfor skulen i samarbeid med andre aktørar i hestenæringa.

Ein dag i veka har du YFF. Her kan du sjølv velje mellom ulike praktiske fordjupningsfag i hest, som salmaking, rideskule, juleshow, utplassering i hestenæring og anna. Du kan også velje realfag for spesiell studiekompetanse.

Dei to andre dagane har du fellesfag.

Kvar får eg jobb?

Utdanninga gir deg breie kunnskapar og ferdigheiter som kvalifiserer deg til å arbeide innan travnæring, rideverksemd, galoppnæring, hesteturisme og fritidsaktivitetar, stutteri og andre yrke som krev særskilt kompetanse på hest.

Du kan òg vidareutdanne deg til å bli dyrepleiar, veterinær, zoolog, biolog, etolog, forskar eller innan annan tverrfagleg kompetanse.

Korleis søkjer eg?

For å søkje på Vg1 Hestefag på Stend vel du "Vg1 Naturbruk med heste- og dyrefag" på Vigo. Du får i ettertid eit spørjeskjema frå skulen om kva slags fordjupning i programfag du ønskjer. Då svarer du Vg1 Hestefag.

For å søkje på Vg2 Hestefag på Stend vel du "Vg2 Heste- og dyrefag" på Vigo. Du får i ettertid eit spørjeskjema frå skulen om kva slags fordjupning i programfag du ønskjer. Då svarer du Vg2 Hestefag.

Kva trengs av meg?

For å bli god i hestefag må du ønskje å jobbe med både hest og menneska deira. Yrker i hestefag krev mykje av deg når det kjem til kommunikasjon med kundar og oppdragsgjevarar. Du må like å arbeide utanfor vanlege arbeidstider, tole litt skit, ha eit godt blikk og evne til observasjon. Du bør vere omsorgsfull, audmjuk og god til å samhandle. Alt dette kan du trene på i lag med medelevar og lærarar på Stend Hestefag!

Bli ein del av hesteteamet, du òg!